A partir do vindeiro luns, 27 de febreiro, o CIFP Compostela acollerá a exposición O amencer da humanidade. O poboamento paleolítico de Galicia, unha iniciativa promovida pola Secretaría Xeral de Política Lingüística ao abeiro do Fondo Xacobeo 2021, co obxecto de dar a coñecer as últimas investigacións desenvolvidas no ámbito da prehistoria en Galicia.

Ademais de seis paneis informativos en formato rollup, a mostra inclúe varias réplicas de materiais arqueolóxicos, un audiovisual explicativo e dúas unidades didácticas, para educación primaria e secundaria respectivamente.

Nos vindeiros días será visitada por alumnado doutros centros da contorna de Lamas de Abade.