A asociación Familias Azuis, en colaboración coa Secretaría Xeral de Política Lingüística, creou o videoclip Nun mar azul cuxo obxectivo é promover a diversidade en todos os ámbitos da vida, dende a diversidade lingüística ata a diversidade funcional.
Os seis irmáns Bolechas e o seu can Chispa non podían faltar á súa cita co FalaRedes. Aquí chegan, un ano máis, para percorreren este outono 21 entidades da Rede de Dinamización Lingüística cunha actividade familiar e participativa.
A segunda proposta de FalaRedes para o ano 2017 é o concerto Tic Tac Toc, do coñecido compositor e intérprete de música infantil Pablo Díaz
FalaRedes 2017 ábrese cunha actividade que, sen deixar de servir aos obxectivos de promoción do galego que guían dende sempre este programa de dinamización lingüística, constitúe tamén unha homenaxe ao autor a quen a Real Academia Galega lle dedica este ano o Día das Letras Galegas: Carlos Casares. Trátase de A galiña azul, unha adaptación teatral do libro de relatos homónimo escrito por Casares destinada a público de 6 a 10 anos e ás súas familias.
