O actor galego César Cambeiro -coñecido pola súa participación en series como Libro de familia, Terra de Miranda ou Matalobos e en películas como Mar adentro ou Sete mesas de billar francés-  ofrécelles aos dragaliños e dragaliñas un espectáculo de contos populares e de lendas cos obxectivos de poñer en valor o patrimonio inmaterial galego e de motivar o alumnado para seguir indagando arredor do mundo máxico que lles abriu as portas a través da novela Dragal. Este ano, como novidade, e aproveitando a súa condición de regueifeiro, César Cambeiro inclúe en Tradición 2.0. un espectáculo de regueifa en que o alumnado ten parte activa.

Pódense ver máis abaixo vídeos de Tradición 2.0. nos diferentes centros educativos que participan no Proxecto Dragal e fotografías no cadro da dereita.