Un ano máis, o EDLG do CIFP Compostela organiza a 7.ª edición desta mostra en colaboración con todos os centros educativos de Lamas de Abade. Ademais do alumnado desta bisbarra e da veciñanza, este curso acudirá ao evento unha representación do CEIP Pérez Viondi da Estrada e, todos xuntos, da man dos nenos e nenas do CEIP Xoaquín Lourenzo Xocas de Bande, poderán coñecer como se celebra o Entroido desta localidade ourensá.
