Volver

Certame aRi[t]mar Galiza e Portugal 2017-2018

Os votos populares emitidos no certame aRi[t]mar Galiza e Portugal promovido pola Escola Oficial de Idiomas (EOI) de Santiago de Compostela, en colaboración coas secretarías xerais de Política LIngüística e de Cultura da Xunta de Galicia, determinaron os gañadores polo mellor tema musical publicado en Galicia e en Portugal en 2017: "Bailando as rúas" de A banda da Loba e "Amar pelos dois" de Salvador e Luísa Sobral.

No marco do desenvolvemento da Lei Paz-Andrade para o aproveitamento do ensino do portugués e vínculos coa lusofonía, a EOI de Santiago de Compostela, en colaboración coas secretarías xerais de Política Lingüística e de Cultura da Xunta de Galicia, convocou os premios aRi(t)mar Galiza e Portugal. Este proxecto didáctico-cultural ten por obxectivo dar a coñecer e difundir cada ano a poesía e a música editadas no ano anterior en Galicia e en Portugal, amais de achegar as linguas e as culturas que configuran os dous territorios ás dúas beiras do Miño.

O certame ten varias fases: na primeira, un xurado selecciona os 10 mellores poemas en galego, os 10 mellores poemas en portugués, as 10 mellores cancións en galego e as 10 mellores cancións en portugués; deseguido, realízanse as votacións virtuais para elixir canción e o poema gañadores de cada modalidade; e, por último, os artistas gañadores, xunto cos poetas escollidos posteriormente, actuarán en outubro na Gala de Premios aRi[t]mar Galiza e Portugal.

Neste momento resolveuse xa o premio á mellor canción galega e portuguesa de 2017, co seguinte resultado:

Mellor canción galega 2017

A banda da Loba, por "Bailando as rúas".

Os seguintes intérpretes máis votados foron De Vacas, por "Amodiño", e, en terceiro lugar, MJ Pérez, por "Casandra".

Mellor canción portuguesa 2017

Salvador e Luísa Sobral, por "Amar pelos dois"

Os seguintes intérpretes máis votados foron Tiago Bettencourt, por "Se me deixasses ser", e, en terceiro lugar, Ana Bacalhau, por "Leve como uma pena",  mais Carolina Deslandes, por "A vida toda".


As cancións finalistas galegas entre as que o público poderá realizar a súa votación son da autoría de De vacas, O Sonoro Maxín, A banda da Loba, Casandra, SonDaRúa, Uxía, Ataque escampe, Terbutalina, Vizcaíno e Os novos.
Por Portugal resultaron nomeados: Miguel Araújo, Carolina Deslandes, Salvador e Luísa Sobral, Dulce Pontes, Os Quatro e meia, Ana Bacalhau, Mafalda Veiga, Celina da Piedade, Tiago Bettencourt e Sara Tavares.