Espectáculo teatral de fantasía, humor e poesía dirixida a público infantil e familiar que evoca a amizade, as separacións, a necesidade de coñecemento e a aventura de medrar desde a igualdade, rompendo os arquetipos de xénero.
Nun misterioso CUBO, dúas persoas moi diferentes son quen de vivir en harmonía. Ela é curiosa e decidida, el é tenro e vulnerable. Xogan, divírtense e rin, pero un día ela decide ir máis aló, quere viaxar en busca de novas preguntas e descubrir o mundo enteiro. El está contento coas súas respostas, séntese cómodo, seguro, e non quere máis que balancearse eternamente no bambán do seu CUBO. Sempre conseguiron poñerse de acordo pero esta vez semella moi complicado. Que solución atoparán?
| Axenda de FalaRedes 2023. Cubo |
| Data e hora | Lugar | Concello | Provincia |
| 30 de xuño, ás 18:00 h | CSC Santa Marta | Santiago de Compostela | A Coruña |
| 1 de setembro, ás 19:30 h | Auditorio Municipal Xosé Manuel Pazos | Cangas | Pontevedra |
| 2 de setembro, ás 19:00 h | Aula de Cultura Xulio Cuns | Betanzos | A Coruña |
| 3 de setembro, ás 18:00 h | Casa da Cultura | Burela | Lugo |
| 20 de setembro, ás 19:00 h | Salón Teatro do Auditorio Municipal | Lalín | Pontevedra |
| 21 de setembro, ás 19:00 h | Teatro Jofre | Ferrol | A Coruña |
| 23 de setembro, ás 18:30 h | Teatro Coliseo Noela | Noia | A Coruña |
| 24 de setembro, ás 18:00 h | Auditorio Manuel María | O Carballiño | Ourense |
