A compañía Fantoches Baj presenta no FalaRedes a súa peza de teatro de monicreques para todos os públicos As sete boinas do aviador, onde se recrea a xesta do galego Joaquín Loriga, quen, hai agora 100 anos, cruzou os ceos para completar o impresionante raid Madrid-Manila. Este mes de maio Ponteceso, Mugardos, Palas de Rei, Teo e Vilagarcía de Arousa coñecerán a aventura do intrépido heroe galego grazas á Rede de Dinamización Lingüística.