Gañadores do Certame aRi[t]mar Galiza e Portugal 2016-2017
No marco do desenvolvemento da Lei Paz-Andrade para o aproveitamento do ensino do portugués e vínculos coa lusofonía, a Escola Oficial de idiomas de Santiago de Compostela, en colaboración coas secretarías xerais de Política Lingüística e de Cultura da Xunta de Galicia, convocou os premios aRi(t)mar Galiza e Portugal. Este proxecto didáctico-cultural desenvolvido inicialmente pola EOI compostelá ten por obxectivo difundir a música e a poesía galego-portuguesa actuais e achegar a lingua e cultura das dúas comunidades.
Tras dar a coñecer os gañadores nas categorías de música, a EOI de Santiago fixo públicos os das categorías de poesía.
Premiados nas categorías de poesía
- Gañador galego: "Terradentro", de Paco Souto. Os seguintes poemas en número de votos obtidos foron "Parque", de Rosalía Fernández Rial, e "Parir un lugar", de Olalla Tuñas.
- Gañador portugués: "Fui a Bruges esquecer um amor", de Pedro Craveiro. Os seguintes pomeas en número de votos obtidos foron "Tragam-me um home que me levante como os olhos", de Cláudia R. Sampaio, e "Penso em ti", de Alexandra Santos.
Premiados nas categorías de música
- Mellor tema musical galego: A paz esquiva, de Ses
- Mellor tema musical portugués: Faz bem falar de amor, de Quinta do Bill
Gala aRi(t)mar
Como colofón a estes certames, en outubro celebrarase a gala de premios con actuacións e intervencións dos galardoados, co patrocinio das secretarias xerais de Cultura e de Política Lingüística.
Este ano únense ao proxecto os centros do Ensino Português pelo Camões na Galiza, o Conservatorio Profesional de Música de Santiago de Compostela, as escolas oficiais de idiomas de Lugo e Pontevedra e a Facultade de Filoloxía da Universidade de Santiago de Compostela.