Promovelo

Convocatoria dos cursos Celga e LAG nas EOI para o curso 2025/26

RESOLUCIÓN do 13 de xuño de 2025, da Dirección Xeral de Formación Profesional, pola que se convocan, con carácter gratuíto, cursos de linguaxe administrativa galega e cursos preparatorios para a obtención dos certificados de lingua galega, Celga, que se realizarán en varias escolas oficiais de idiomas de Galicia no curso académico 2025/26.

Convócanse, con carácter gratuíto, cursos de linguaxe administrativa galega de nivel medio e superior en liña, e cursos preparatorios para a consecución dos certificados de lingua galega (Celga), para o curso 2025/26, nas escolas oficiais de idiomas de Galicia.

No caso dos cursos de linguaxe administrativa galega, os cursos do primeiro cuadrimestre impartiranse entre setembro e decembro; os do segundo cuadrimestre, entre xaneiro e abril.

Os cursos preparatorios para os certificados de lingua galega, Celga, impartiranse, os do primeiro cuadrimestre entre setembro e decembro, e os do segundo cuadrimestre, entre febreiro e maio.

O prazo para a presentación das solicitudes será o seguinte:

  • Desde o 30 de xuño ata o 11 de xullo de 2025, para os cursos do primeiro cuadrimestre.
  • Desde o 10 ata o 21 de novembro de 2025, para os cursos do segundo cuadrimestre.

Normativas relacionadas

Ligazóns relacionadas