O obxecto deste procedemento é establecer axudas para fomentar a prestación dun servizo lingüístico da lingua galega, mediante a súa creación ou o mantemento ou reforzamento dos existentes, ou promover a planificación e o desenvolvemento de programas de dinamización da lingua galega, para o ano 2026, en concellos ou en agrupamento de concellos con poboación igual ou superior aos 3.000 habitantes (código de procedemento administrativo PL400A).

Importe total da convocatoria: 350.000 euros. Este importe inicial pode ser ampliado en función das dispoñibilidades orzamentarias.

O prazo de presentación de solicitudes abrangue desde o día 8 de abril ata o 7 de maio.

Serán obxecto de subvención as actividades realizadas entre o 1 de xaneiro e o 15 de outubro de 2026.

O prazo de xustificación remata o día 20 de outubro de 2026.