Ao premio poderán concorrer ata o 15 de setembro de 2021 todos os autores ou autoras que o desexen cunha única novela escrita en galego ou en castelán que teña unha extensión mínima de 200 páxinas e que xire arredor do Camiño de Santiago.

O gañador ou gañadora do premio recibirá 3.000 € e un diploma acreditativo, ademais de ver publicada a súa obra pola Editorial Galaxia.

Establécese tamén un accésit sen dotación económica para a mellor novela presentada en lingua diferente á que obteña o primeiro premio.