No blog do EDLG do CEIP A Pedra comprobamos como, ano tras ano, sempre se lembran de conmemorar o Día de Rosalía de Castro. Neste recompilatorio de actividades podemos elixir distintas formas de seguir dándolles vida aos seus versos nas voces do alumnado: recitándoos, dramatizándoos, interpretándoos, cantándoos, rapeándoos, expoñéndoos en murais ou empregándoos para reivindicarmos dereitos aínda non acadados. Parabéns por este traballo constante!