“C@nto contigo” é un espectáculo onde a música, o baile e as risas farán que saquemos a nosa lingua a voar, achegando o galego á xente miúda e ás súas familias de xeito lúdico e divertido. Retrousos e cancións para participar activamente, bailando sen complexos, acompañando coa voz, coas palmas ou con acenos. Un percorrido por cancións da súa traxectoria percorrendo un amplo abano de estilos musicais, dende o techno ao rock, aínda que sen esquecer as influencias tradicionais.

Convértese así, nunha oportunidade de cantar con amigos e amigas nun concerto onde a música e o humor transformará a túa escola, biblioteca, auditorio, rúa, praza, vila, aldea… nunha festa moi especial onde ti es protagonista.