As miñas primeiras Letras Galegas
Os Bolechas celebran as Letras Galegas con estes vídeos patrocinados pola Secretaría Xeral de Política Lingüística que se basean na colección de libros "As miñas primeiras Letras Galegas" e que abordan a vida e a obra de diferentes persoeiros a quen a Real Academia Galega lles dedicou o 17 de maio.
Estas curtas están dirixidas aos nenos e nenas, a quen queren achegarlles as figuras das nosas letras de xeito divertido e didáctico. Para iso, Pepe Carreiro, autor dos Bolechas, converte unha obra de cada autor nun entretido conto co que o lector ou lectora vai descubrindo quen é o personaxe de quen se fala ao tempo que goza dunha aventura típica desta divertida familia galega.
