Como complemento a unha exposición itinerante homónima para centros educativos, onde se deron a coñecer os resultados de investigacións desenvoltas nos últimos anos no ámbito da prehistoria en Galicia, elaborouse este audiovisual en que os investigadores Eduardo Méndez Quintas (Universidade de Vigo) e Arturo Lombera Hermida (Universidade de Santiago de Compostela) explican en que consiste o traballo arqueolóxico e falan tamén dos seus comezos na arqueoloxía, dos asuntos en que centran as súas investigacións actualmente, dos xacementos en que traballan ou dos lugares onde se expoñen os seus achados.