Serie de cinco documentais audiovisuais conducidos polo coñecido xefe de cociña André Arzúa en defensa dos produtos alimentarios galegos e dos seus correspondentes procesos de elaboración, da súa importancia patrimonial e cultural e da influencia que teñen na gastronomía contemporánea.

En cada capítulo, centrado nun produto concreto (congro seco, sardiña lañada, queixo de arzúa, pan do país e androia), visitaremos os recunchos de Galicia dedicados á súa produción e coñeceremos da man dos mellores profesionais o proceso que se agocha detrás destes tradicionais manxares da nosa terra.