Chega ao FalaRedes o multipremiado espectáculo Elisa e Marcela, da compañía teatral A Panadaría. Trátase dunha peza baseada nunha historia real: o primeiro matrimonio entre dúas mulleres de que temos constancia en Galicia. Elisa e Marcela fala da diversidade desde o humor, a música e a perspectiva de xénero e aspira a recuperar a memoria dun feito da nosa historia do que este 2021 se fan os 120 anos.