Serie de cinco microdocumentais dedicados a outros tantos chefs galegos que teñen unha unha estrela Michelin: Iñaki Bretal (Eirado da Leña), Martín Vázquez (Casa Marcelo), Manuel Costiña (Retiro da Costiña), Luis Veira (Árbore da Veira) e Daniel Guzmán (Nova).

A serie entra nos mellores restaurantes de Galicia para coñecer os galegos e galegas que os rexentan, as súas orixes e as persoas que os axudaron a chegar onde están, os coñecementos adquiridos e sacrificios padecidos e o máis destacable das súas propostas culinarias. O obxectivo é enxalzar un dos piares da cultura galega de vangarda e promover un turismo de calidade mediante os artistas dos fogóns.