O Centro de Estudos Galegos da Universidade de Bangor (Gales) organiza, no marco do 10º aniversario da súa fundación e en colaboración co Wales International Poetry Festival, o programa Literature Across Frontiers e mais a Universidade de Aberystwyth, un encontro no que se presentará a escolma 6 Galician Poets. O traballo, coordinado pola profesora Manuela Palacios-González e publicado por Arc Publicacións, combina a experimentación coa forma poética e as relacións entre lingua, terra, cultura e sociedade. Nel participarán, para falarnos da súa obra, os escritores galegos María do Cebreiro e Daniel Salgado, así como o tradutor, o poeta irlandés Keith Payne e a cantante Su Garrido Pombo.