Latingal
Dicionario latín-galego para móbiles con máis de 30.000 entradas elaborado polos profesores Raúl Gómez Pato e José Carracedo Fraga. Polo de agora, está dispoñible para calquera dispositivo con sistema Android, mais os seus creadores están traballando xa nunha versión compatible con iOS.
Conta cun sistema de busca preditiva, que ben pode facerse por palabra, ben aplicando algúns dos filtros da busca avanzada (“comeza por…”, “contén…”, “termina en…”). Permite, ademais, especificar o tipo de palabra e o caso.
Das máis de trinta mil entradas, ofrécese a súa categoría gramatical, o equivalente galego, indicacións semánticas e de uso e mais exemplos. Permite –unha vez descargada a app– a consulta dos termos sen necesidade de conexión.