Os colexios Pérez Viondi, Cabada Vázquez e O Foxo da Estrada acudiron este pasado sábado ao programa "Recunchos da Lingua" de Radio Estrada para realizar unha estupenda animación á lectura de cara ao Día do Libro, o 23 de abril.

En primeiro lugar escoitamos o alumnado do Pérez Viondi (minutos 6 a 10), que nos recomenda libros para os distintos ciclos de primaria, que están a desfrutar nas súas aulas. A seguir, as pequenas e pequenos de infantil do Cabada Vázquez (minutos 15 a 18) falan coa súa mestra doutras lecturas apaixonantes. E, por último, as rapazas e rapaces do Foxo (a partir do minuto 22:47) conseguen mergullarnos noutras cinco apetecibles obras.