Espectáculo narrativo-musical orixinal e inédito, en formato concerto en tres movementos, interpretado pola Banda de Música Unión Musical de Meaño.

Ademais da música, ofrece a narración oral de tres historias de mulleres galegas protagonistas de actos de valentía, xenerosidade e solidariedade acontecidos na primeira metade do pasado século. Son historias que estiveron esquecidas durante moitos anos, as das heroínas de Sálvora, as lavandeiras de San Simón e as Irmás Touza.