Begoña, unha precoz lectora dos mitos clásicos que reformulará nas súas novelas, criouse nos barrios vigueses do Calvario e de Coia, que estimularon o seu activismo social. Tamén na cidade olívica comezou a súa andaina laboral despois de rematar Maxisterio e participou en numerosos proxectos radiofónicos antes de trasladarse a Compostela.

En palabras do presidente da RAG, Henrique Monteagudo, constitúe unha “soberbia achega e pulo feminista á literatura galega”. E, segundo a súa compañeira e amiga Ana Romaní, a súa traxectoria vital, nutrida de incesantes viaxes, é “definitivamente utópica, radicalmente vital”.

Arranca, pois, o ano de Begoña Caamaño.