O próximo día 26 de febreiro terá lugar o IV Encontro 21 Días co galego e +, xuntanza que lle pon o ramo ao programa 21 días co galego e + da Secretaría Xeral da Lingua. Trátase dunha xuntanza lúdica e didáctica, que terá lugar no Auditorio Municipal Manuel María do Carballiño, no que se reunirán máis de 400 participantes, entre alumnado e docentes de educación infantil e primaria, para intercambiar diversas experiencias, música, bailes, xogos e outras actividades lúdicas.

Begoña Caamaño (Vigo, 1964 - Santiago de Compostela, 2014). Letras Galegas 2026

Sétima muller á que a Real Academia Galega lle dedica o Día das Letras Galegas (décimo terceira se temos en conta que en 2025 foron sete as cantareiras homenaxeadas). Foi xornalista e autora das obras narrativas Circe ou o pracer do azul (2009) e Morgana en Esmelle (2012), e outras que deixou inconclusas polo seu prematuro falecemento.

Nadal en Rede chama un ano máis ás portas do mes de decembro para encher as festas de actividade e celebración en galego. Velaquí as propostas deste ano, que inclúen teatro e moita música para todas as idades.

A campaña 2025 de Toponimízate. Falámosche dos nomes da túa terra chegará a 12 novos concellos. A acción, que xa vai pola súa oitava edición, enmárcase nos proxectos Toponimia de Galicia e GeoArpad, impulsados ambos os dous desde a Xunta de Galicia, e coordinarase desde a Real Academia Galega (RAG) en colaboración coa Secretaría Xeral da Lingua.

A Real Academia Galega (RAG) acordou dedicarlles o Día das Letras Galegas 2025 a sete cantareiras e, a través delas, á poesía popular galega que elas interpretaban. Deste xeito, a Academia recoñece o papel das mulleres na creación e na transmisión literaria, así como o valor da lírica oral, esa que é anónima, que pertence á comunidade e que se aprende escoitando, cantando, traballando, divertíndose... en fin, vivindo nela. Velaquí os nomes e as historias das sete mulleres homenaxeadas pola RAG e por toda a sociedade galega este 2025:

Bota a andar a sétima edición de 21 días co galego e +, un programa impulsado pola Consellería de Cultura, Lingua e Xuventude a través da Secretaría Xeral da Lingua. A súa finalidade é promover o uso do galego oral entre a xente nova. Nesta edición desenvolverase desde o 31 de xaneiro ata o 21 de febreiro de 2025.

Chega outra vez o Nadal e con el o programa de dinamización lingüística Nadal en Rede, destinado a fornecer as entidades que conforman a Rede de Dinamización Lingüística de actividades de lecer para estas festas e mais de recursos para celebralas en galego.