A este premio poderán concorrer todos os autores e autoras que o desexen, excepto a persoa gañadora das tres ultimas edicións anteriores, cunha novela curta escritura en lingua galega, conforme a normativa establecida pola Real Academia Galega.

As novelas, que serán orixinais e inéditas en todos os formatos, terán unha extensión non inferior a 120.000 caracteres con espazos incluídos nin superior a 270.000 caracteres con espazos incluídos.

Na creación dos textos non se pode empregar ningunha clase de IA xenerativa. A dita circunstancia recollerase na declaración xurada da orixinalidade da obra, autoría e non uso de IA xenerativa na súa redacción.

As novelas enviaranse ata o 31 de xullo de 2026, facendo constar no sobre Premio Narrativa Breve Repsol, ao seguinte enderezo postal:

PREMIO NARRATIVA BREVE REPSOL
Complexo Industrial Repsol A Coruña
Edificio de Oficinas
Departamento de Comunicación
Bens s/nº
15008 A Coruña

Establécese un único premio dotado con quince mil euros (15.000 €).