Excelente peza audiovisual do CEIP Emilio González López de Cambre centrada na figura da enfermeira coruñesa Isabel Zendal. No documental, un grupo de nenas e nenos vainos contando e recreando como foi a vida desta veciña de Ordes e cal era o seu traballo coa expedición que levou a vacina da varíola a territorios españois de ultramar.

Por outra banda, dentro do proxecto "Ciencia, inventos e experimentos" que se desenvolveu neste centro, tamén se inclúe un vídeo sobre Rosalind Franklin e as investigacións e descubrimentos sobre o ADN desta científica londiniense.