Singular material deseñado polas profesoras Pilar Porta e Marta Peña, que pretende normalizar a existencia da enfermidade na infancia e na adolescencia e visualizar o proceso de hospitalización nestas etapas da vida.

O proxecto consta dos seguintes produtos:

• O Kamishibai do hospital, un soporte en madeira para o teatriño en dimensión A3.
• 12 láminas ilustradas sen texto, que conforman o anverso da historia do conto.
• Pílulas para un mundo mellor, un conto impreso no reverso das láminas.
• O caderno de Gaia, un espazo creativo destinado a escribir contos, poesías, debuxar viñetas etc.

Trátase dun recurso didáctico adaptable a distintos niveis educativos (infantil, primaria e secundaria), ideado inicialmente para o ámbito hospitalario, pero que se pode empregar tamén noutros contextos escolares.