FALAREDES 2017
Tic Tac Toc
A segunda proposta de FalaRedes para o ano 2017 é o concerto Tic Tac Toc, do coñecido compositor e intérprete de música infantil Pablo Díaz
A música, con todo o seu potencial para a aprendizaxe e a transmisión afectiva das linguas, non podía faltar na actividade que FalaRedes lles dedica aos máis pequenos: un concerto para nenos e nenas de 0 a 7 anos e as súas familias, onde poderán bailar, aprender e escoitar en directo as cancións do libro-disco Tic Tac Toc, de Pablo Díaz.
Quen mellor para propoñerlles aos cativos e cativas cancións para desfrutar dunha tarde en familia e para seguir cantando no coche e na casa ca este músico gañador do premio Martín Códax na categoría de música infantil polo seu segundo traballo, Toc Toc (2013), e autor, ademais, doutras propostas de éxito, como Tic Tac (2010) e Xente miúda, moita fartura (2014).
No concerto Tic Tac Toc, Pablo Díaz -acompañado de Diego Barral (guitarras) e de Álex Fente (acordeón)- ábrese ao mundo dende a lingua galega incorporando ritmos e sentires de latitudes diversas (Brasil, Cuba, Os Estados Unidos...) sen abandonar os temas que conforman o universo próximo dos nosos nenos e nenas. Poderedes desfrutar desta actividade en 19 concellos da Rede de Dinamización Lingüística.
Axenda de FalaRedes 2017. Tic tac toc | |||
---|---|---|---|
Data e hora | Lugar | Concello | Provincia |
25 de marzo, 12:30 | Teatro Principal | A Estrada | Pontevedra |
26 de marzo, 18:00 | Auditorio Municipal | Narón | A Coruña |
1 de abril, 18:00 | Auditorio | Verín | Ourense |
2 de abril, 18:30 | Auditorio Municipal Carmen Estévez | Vilalba | Lugo |
9 de abril, 18:00 | Casa da Cultura de Camporrapado | Boqueixón | A Coruña |
15 de abril, 20:00 | Casa da Cultura | Palas de Rei | Lugo |
16 de abril, 18:00 | Auditorio Municipal Ilduara Celanova | Celanova | Ourense |
22 de abril, 19:00 | Casa da Cultura | Barbadás | Ourense |
23 de abril, 12:00 | Casa da Cultura | Outeiro de Rei | Lugo |
23 de abril, 18:00 | Auditorio da Casa da Cultura | Burela | Lugo |
29 de abril, 18:00 | Casa da Cultura Manuel Lueiro Rey | O Grove | Pontevedra |
6 de maio, 12:00 | Auditorio Reveriano Soutullo | Ponteareas | Pontevedra |
6 de maio, 20:00 | Auditorio da Casa da Cultura | Outes | A Coruña |
7 de maio, 18:30 | Casa da Cultura | Boiro | A Coruña |
13 de maio, 12:30 | Auditorio Municipal | O Carballiño | Ourense |
13 de maio, 19:30 | Auditorio da Casa da Cultura | A Cañiza | Pontevedra |
14 de maio, 12:00 | Casa da Cultura | A Laracha | A Coruña |
14 de maio, 18:00 | Aula de Cultura Xulio Cuns | Betanzos | A Coruña |
20 de maio, 18:30 | Auditorio de Galicia | Santiago de Compostela | A Coruña |