FALAREDES 2023
O circo do silencio
A sala de fuxida ou scape room O circo do silencio vaise desenvolver en 10 concellos da Rede de Dinamización Lingüística en sesións sucesivas de 30 minutos ao longo dunha xornada (desde as 11:00 h ata as 21:00 h), nunha pequena carpa circense instalada na rúa. Está pensada para catro xogadores en cada quenda, que terán que resolver en equipo unha serie de enigmas para completaren a misión final.
A actividade parte da historia dun circo máxico que perdeu todas as palabras que lles permitían falar cos animais e crear espectáculos incribles. Os participantes interpretan un grupo de detectives contratados para investigaren o roubo. Terán que atopar pistas, resolver enigmas, descifrar códigos e xogar coa lingua para recuperar as palabras e devolverllas ao circo.
Axenda de FalaRedes 2023. O circo do silencio | |||
Data e hora | Lugar | Concello | Provincia |
20 de xullo | Praza do Concello | Xinzo de Limia | Ourense |
21 de xullo | Praza Maior | Ponteareas | Pontevedra |
25 de xullo | Paseo Marítimo | Foz | Lugo |
26 de xullo | Alameda | A Estrada | Pontevedra |
28 de xullo | Praza Ester Pita en Santa Cruz | Oleiros | A Coruña |
30 de xullo | Praza de Galicia | Arzúa | A Coruña |
31 de xullo | Praza do Corgo | O Grove | Pontevedra |
3 de agosto | Alameda | Ordes | A Coruña |
4 de agosto | Carballeira | Caldas de Reis | Pontevedra |
15 de agosto | Alameda | Verín | Ourense |