A derradeira das actividades do ano da campaña Nós contra a violencia é un espectáculo lúdico e interactivo cheo de contos e de música dirixido a nenos e nenas de ata 10 anos e ás súas familias. Nel, os irmáns Fuco e Xela, máis coñecidos como Os Piñeiriños, farán visible a figura de diversas mulleres galegas referentes na nosa historia, co fin de destacar os seus méritos e transmitir valores de igualdade.