Videorreportaxe de promoción da cultura e da gastronomía galegas no sector da micoloxía da man do actor Celso Bugallo. Nel fálase dos lugares e xeitos de recolección, das especies e das súas aplicacións culinarias. O audiovisual, ademais de reforzar a cultura micolóxica e de informar sobre un produto para moitos descoñecido en Galicia, ten o obxectivo de concienciar no respecto á natureza e no coidado dos bosques.