Velaquí unha proposta teatral arredor da autora homenaxeada o Día das Letras Galegas 2026.

Conta con texto de Paula Carballeira, Premio Nacional de Literatura Dramática 2023, e está interpretada por Rocío González, da compañía Berrobambán. A actriz dálle vida a unha xornalista que recibe en herdanza un caderno dunha amiga íntima de Begoña Caamaño e que decide realizar a gravación dun podcast en directo para expoñer algunhas das facetas menos coñecidas da escritora. A partir da relación entre as anotacións no diario e os diferentes momentos da vida profesional de Caamaño, vaise reconstruíndo ante o público a traxectoria dunha creadora excepcional, implicada co feminismo e cos diversos movementos sociais en que participou. Porén, durante a gravación deste podcast aparecerán diversos problemas técnicos que transformarán as ideas iniciais da xornalista e influirán de forma decisiva no seu relato, como se o propio espírito de Begoña quixese puntualizar algunhas das pasaxes narradas e, ao igual ca as protagonistas das súas novelas, ser dona da súa propia historia.

Begoña Caamaño: o transgredir das ondas
Data e hora	Lugar	Concello	Provincia
2 de maio, ás 19.00 h	Auditorio	Vilalba	Lugo
8 de maio, ás 20.00 h	Salón de actos da Casa do Concello	Silleda	Pontevedra
9 de maio, ás 20.30 h	Centro Cultural A Fábrica	Oleiros	A Coruña
10 de maio, ás 20.00 h	Auditorio Municipal	Quiroga	Lugo
15 de maio, ás 19.00 h	Auditorio	Cangas	Pontevedra
16 de maio, ás 20.30 h	Auditorio do Centro Cultural	Muros	A Coruña
17 de maio, ás 19.30 h	Teatro Pastor Díaz	Viveiro	Lugo
10 de maio, ás 20.00 h	Auditorio Municipal	Quiroga	Lugo
15 de maio, ás 19.00 h	Auditorio	Cangas	Pontevedra