Presentación do documental sobre a vida do escritor Díaz Castro. Proxecto de Fin de Carreira de José Antonio Cascudo, Jessica Rey e Alba Domínguez.
O EDLG do CEIP García Barbón achéganos dúas novidosas iniciativas para podermos traballar a figura do homenaxeado. Por unha banda, preséntannos o Brincaletras, xogo no que cada letra agocha unha pregunta sobre o autor; e pola outra, unha curta de animación co poeta como protagonista.
Dende o IES San Paio de Tui, chéganos esta orixinal liña do tempo interactiva que nos permitirá visualizar e obter información dos fitos máis relevantes da biografía do autor guitiricense.
O telexornal que cada curso o CPI Dos Dices adica ao autor homenaxeado o Días das Letras Galegas retransmitiuse nesta ocasión en directo dende a Biblioteca de Galicia na Cidade da Cultura. Ademais de entrevistas, tamén poderedes escoitar sete dos seus poemas recitados por outros recoñecidos autores.
Mª José Martínez Paz, alumna de 2º de Bacharelato do IES de Curtis, elaborou esta excelente presentación que, a través de fotografías e outras ilustracións, vai facendo un percorrido polos momentos máis representativos da biografía de Díaz Castro
Xesteira, a revista en liña do EDLG contén unha ampla selección de actividades sobre Díaz Castro. Inclúe materias moi variados, dende un estudo divulgativo cunha antoloxía de textos traducidos a varias linguas a unha análise de Lois Diéguez do poema Penélope.
A Consellería de Cultura, Lingua e Xuventude e a Televisión de Galicia contribúen á difusión pública da obra de Xosé María Díaz Castro con dúas pezas audiovisuais realizadas a partir dos versos do escritor.
Aquí tedes unha nova proposta do IES Poeta Díaz Castro de Guitiriz, que non paran. Unha melodía coñecida para uns versos por descubrir.
O IES Poeta Díaz Castro ofrécenos este pequeno espazo para anotacións de todo o que nos vaia acontecendo no ano da homenaxe ao seu veciño. Desexan que as pequenas achegas que acompañan estas páxinas nos animen a aproximarnos á figura do homenaxeado
Aproximación á figura de Díaz Castro seguindo a mecánica deste popular xogo televisivo. Realizado polo CEIP A Ponte de Lugo