Audiovisual elaborado conxuntamente polos EDLG destes IES pontevedreses como resultado final dunha exposición de traducións do poema Penélope a diferentes linguas coa que pretenden homenaxear a Díaz Castro. Como nota significativa, as traducións dos textos están feitas ou conseguidas polo alumnado de ambos centros.
O EDLG do IES de Teis de Vigo ofrécenos unha interesante recompilación de noticias de diferentes xornais, así como webs de interese sobre o homenaxeado das Letras Galegas este ano.
O CEIP Juan Fernández Latorre homenaxea a Xosé María Díaz Castro coa interpretación da alumna Icía Diza dun dos seus poemas máis coñecidos: Esmeralda. A música é de Antonio Mandiá e os arranxos de Francisco Manteiga. Inclúese tamén a partitura.
Pequena curta que recrea o poema “Penélope” de Xosé María Díaz Castro mediante a mestura das voces do alumnado cunha moderna animación manga. Realizada polo IES As Barxas de Moaña.
Dende a comarca da Limia en Ourense, chéganos un práctico marcapáxinas dedicado a Xosé Mª Díaz Castro.
Con estes vídeos, inspirados en dous dos poemas máis coñecidos de Nimbos: Esmeralda e Ai! Capitán, o CEIP Plurilingüe San Xoán de Filgueira de Ferrol homenaxea o poeta Xosé María Díaz Castro. Os dous gravados por Xoán e Xoaniña Producións.