Volver

Resolución do Concurso-exposición Letras Galegas 2018

Resolución da convocatoria do concurso para elaborar unha exposición sobre a autora homenaxeada o Día das Letras Galegas 2018, María Victoria Moreno Márquez

A Secretaría Xeral de Política Lingüística convocou un concurso para a elaboración dunha exposición sobre a obra, época e lingua da autora homenaxeada en 2018, María Victoria Moreno Márquez, e/ou sobre a situación sociolingüística da etapa histórica en que esta viviu.

Logo de finalizar o prazo de presentación de orixinais e de se reunir a comisión de selección, que lle comunicou a súa decisión á Secretaría, publícase a resolución da devandita convocatoria.

A exposición gañadora do concurso na categoría A (educación infantil e primaria) foi “Victoria Moreno, mestra con alma”, elaborada polo CEIP Xesús San Luís Romero de Carballo (A Coruña).

A exposición gañadora na categoría B (ESO, bacharelato, FP e centros de ensinanzas especiais) foi " “Sombra e luz”", elaborada polo IES Gonzalo Torrente Ballester de Pontevedra.