Santiago de Compostela, 10 de setembro de 2024.- Juan José Lamelas Caneiro faise co premio do IX Concurso Balbino de Relatos, promovido por Edicións Fervenza co apoio da Secretaría Xeral da Lingua e da Fundación Xosé Neira Vilas, entroutras institucións.

O xurado desta edición, integrado por Rosalía Morlán, Carlos Loureiro, Xosé Manuel Lobato, Fernanco González Graña e Armando Requeixo, outorgou o premio por maioría ao orixinal presentado baixo o título O meigallo dos soños.

O devandito xurado destacou a variedade temática do conxunto de relatos, así como a axeitada inserción de tramas nas que o detectivesco e o histórico se dan a man cos relatos de natureza máis telúrica, onde o mundo labrego e mariñeiro adquire carácter protagónico. Toda a información aquí.