Ourense, 20 de novembro de 2024.- O secretario xeral da Lingua, Valentín García, participou hoxe en Ourense na gala de entrega de premios do XV OUFF Escola. Na categoría de Infantil e Primaria o primeiro galardón foi para a peza «A liberdade», do CEIP Otero Novas, de Cortegada (Ourense), mentres que o segundo o levou o CEIP Padre Crespo, de Xunqueira de Ambía (Ourense), pola curta «Os pauciños conquistan». O terceiro premio recaeu no traballo «As aventuras da Saleta», do CEIP López Ferreiro de Santiago de Compostela. O CEIP Mestre Ramiro Sabell Mosquera, de Ponteareas (Pontevedra), acadou o premio Blanco Amor ao mellor guión por «Soños para levar», e o CPR Luis Vives obtivo una mención especial.

Na categoría de Secundaria, o primeiro premio foi para o IES Carlos Casares de Vigo, con «Imos alá», seguido do IES de Beade, tabén de Vigo, que se fixo co segundo por «O Suso». O IES Maximino Romero de Lema de Zas (A Coruña) acadou o terceiro por «A maxia da poesía», mentres que premio Blanco Amor ao mellor guion foi para «Un guión de primeira», do IES Agra do Orzán da Coruña.