Santiago de Compostela, 17 de novembro de 2026.- O secretario xeral da Lingua, Valentín García, participou na rolda de prensa da XI edición da Gala da Música e da Poesía Galego-Portuguesas aRi[t]mar, que se celebrará o vindeiro domingo 22 de novembro ás 18:30 h no Auditorio de Galicia. ARi[t]mar é un proxecto impulsado desde a Escola Oficial de Idiomas de Santiago coa colaboración da Xunta de Galicia que recoñece e difunde algunhas das propostas máis destacadas da música e da poesía de Galicia e Portugal. A entrada á gala é libre e de balde ata completar a capacidade do espazo.