A Xunta lembra a Castelao no 70 aniversario do seu pasamento

Volver

Santiago de Compostela, 7 de xaneiro de 2020.- O secretario xeral de Política Lingüística, Valentín García, participou esta tarde na igrexa de San Domingos de Bonaval na ofrenda floral organizada pola Fundación Castelao con motivo do 70 aniversario do pasamento do escritor.

Valentín García enxalzou a figura deste galego ilustre, coñecida e recoñecida como peza clave da nosa historia, un dos nosos autores máis universais e unha das persoas que máis traballou na defensa da cultura e a identidade galegas. Neste sentido, durante o acto lembrouse a súa traxectoria vital e creativa e o importante legado que o rianxeiro deixou a través das súas obras.

Departamento: Tema: Lingua