A Xunta lembra a Valle-Inclán no 85 aniversario do seu pasamento

Volver

Santiago de Compostela, 5 de xaneiro de 2021.- O conselleiro de Cultura, Educación e Universidade, Román Rodríguez, participou hoxe xunto a diversas autoridades na tradicional ofrenda floral a Ramón María del Valle-Inclán que se realizou no Cemiterio de Boisaca con motivo do 85 aniversario do pasamento do escritor.

En presenza de representantes de diferentes institucións culturais e familiares do autor, Román Rodríguez salientou a figura deste galego ilustre e lembrou a súa traxectoria vital e creativa animando á lectura das súas obras como un dos mellores xeitos de homenaxealo. Durante o acto tamén se fixo mención ao legado de Isaac Díaz Pardo, tamén soterrado no cemiterio compostelán e tamén finado un 5 de xaneiro e do que o ano pasado a Xunta conmemorou o centenario do seu nacemento.

Departamento: C. de Cultura, Educación e Ordenación Universitaria Tema: Cultura, Lingua