O secretario xeral de Política Lingüística participa na entrega de premios da final galega
Arredor de 1600 estudantes de secundaria participan na XXXI edición do Rally Matemático sen Fronteiras apoiado pola Xunta
VolverGañaron os equipos do instituto IES Eduardo Blanco Amor de Ourense, do colexio Sagrado Corazón Placeres de Pontevedra, do IES Martaguisela do Barco de Valdeorras e do IES María Casares de Oleiros e irán á final internacional en Toulouse
É a participación de alumnado máis alta en Galicia desde que se celebra o certame
Santiago de Compostela, 24 de abril de 2023
O secretario xeral de Política Lingüística, Valentín García, participou hoxe na Facultade de Química da Universidade de Santiago de Compostela na entrega do XXXI Rally Matemático sen Fronteiras, impulsado pola Institución Galega de Ciencia, Igaciencia, co apoio da Xunta.
Gañadores da fase galega
Os gañadores desta final galega resultaron ser, en primeiro da ESO, o instituto IES Eduardo Blanco Amor (Ourense); en segundo da ESO, o Colexio Sagrado Corazón Placeres (Pontevedra); en terceiro, o instituto IES Martaguisela (O Barco de Valdeorras); e, no último curso da ESO, o IES María Casares (Oleiros). Os equipos gañadores asistirán á final internacional do Rally mathématique sans frontières, en Touluse.