As Xornadas Mar por Medio reunirán un grupo de especialistas e estudosos do fenómeno xacobeo para analizalo desde diversas ópticas. "Os Camiños de Santiago: Itinerarios de espiritualidade, tradición e cultura" é o título do programa de actividades preparado pola Academia Xacobea, que por terceiro ano consecutivo asume a organización das Xornadas, coa colaboración da Xunta de Galicia, a Universidade de Santiago de Compostela, o Concello de Ribadeo e a Deputación de Lugo.