Cursos Celga 2, 3 e 4
RESOLUCIÓN do 31 de xaneiro de 2025, da Secretaría Xeral da Lingua, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.
ACORDO polo que se modifica a programación de cursos Celga presenciais e en liña
Celga 2 en liña
Celga 3 en liña
Celga 4 en liña
Celga 2 A Coruña (presencial)
Celga 2 Madrid (presencial)
Celga 2 Santiago de Compostela (presencial)
Celga 3 Ferrol (presencial)
Celga 4 A Coruña (presencial)
Celga 4 Lugo (presencial)
Celga 4 Ourense (presencial)
Celga 4 Pontevedra (presencial)
Celga 4 Santiago de Compostela (presencial)
Celga 4 Vigo (presencial)
Convocatoria
Os cursos, presenciais e en liña (ver anexos I e II da resolución), poderán ser solicitados por todas as persoas maiores de dezaseis anos, ou por aquelas que os fagan no ano natural da convocatoria, que desexen mellorar o seu coñecemento e dominio do galego e preparar as probas que a Secretaría Xeral da Lingua convoca periodicamente para certificar a competencia nesta lingua.
As persoas interesadas en inscribirse nos cursos presentarán a súa solicitude a través da plataforma de teleformación da Secretaría Xeral da Lingua, no enderezo electrónico https://formacion-lingua.xunta.gal. Tras acceder á citada plataforma, deberán identificarse co nome da persoa usuaria e contrasinal. Se unha persoa non é usuaria da plataforma, deberá crear unha conta como paso previo á inscrición.
O prazo de presentación das solicitudes de inscrición será de 15 días hábiles, que se contarán a partir do día seguinte ao da publicación desta resolución no Diario Oficial de Galicia (do 10 ao 28 de febreiro).