Co obxectivo de promover a creatividade audiovisual en galego, o equipo de dinamización da lingua galega da Escola Oficial de Idiomas da Coruña convoca o premio VI Festival CinEOI Coruña Curtas para curtametraxes en galego. Poderá participar, na categoría absoluta, alumnado das EOI da provincia da Coruña e as súas seccións e, na categoría xuvenil e infantil, alumnado dos centros sostidos con fondos públicos do concello da Coruña, así como do IES Manuel Murguía de Arteixo.