II Premio de Literatura Infantil Simbad para o recordo e o alzhéimer
A Asociación Agadea Alzhéimer, en colaboración coa Secretaría Xeral de Política Lingüística e outras entidades, convoca a segunda edición dun certame literario destinado a concienciar a sociedade sobre a enfermidade do alzhéimer e outras doenzas varias que comparten a deterioración cognitiva e a perda da memoria e da identidade.
O II Premio de Literatura Infantil Simbad para o recordo e o alzhéimer está dirixido a persoas maiores de idade que presenten orixinais inéditos en galego de calquera dos seguintes xéneros, sempre respectando o código de literatura infantil e coas claves de seu que esta comporta: novela, poesía, teatro, álbum ilustrado e novela gráfica.
O prazo de presentación de orixinais estará aberto entre o 26 de xaneiro e o 1 de xullo.
A resolución do xurado farase pública en setembro, Mes do Alzhéimer.