Volver

I Premio Internacional de Estudos Galegos

Co obxectivo de ampliar de apoiar a investigación que se ven realizando polo mundo fora a Asociación Internacional de Estudos Galegos lanza o I Premio Internacional de Estudos Galegos.

Contando co apoio da Secretaría Xeral de Política Lingüística da Xunta de Galicia e a UMinho Editora, a AIEG convida todos/as os/as investigadores/as que desenvolven o seu traballo en universidades de fóra de Galicia a presentaren os seus traballos (teses de mestrado, de doutoramento ou outros traballos académicos) realizados durante os últimos tres anos.

O Premio, nesta primeira edición, terá unha dotación económica de dous mil euros e ofrecerá a posibilidade de publicar o traballo en formato electrónico. O xurado poderá atribuír mencións de honra, até un máximo de tres.

Datas de candidaturas: 1 de xaneiro de 2024 - 1 de marzo de 2024.

Envío de candidaturas: estudosgalegos@gmail.com (indicando no asunto “Premio Estudos Galegos”)

Concesión do premio: 17-20 de abril de 2024 no ámbito do XIV Congreso Internacional de Estudos Galegos.