Datas de realización das probas

Celga 4 en Santiago de Compostela, Ponferrada e Madrid

14 de novembro de 2026, para as persoas admitidas cuxo primeiro apelido comece por algunha das seguintes letras: M, N, Ñ, O, P, Q, R, S, T, U, V, W, X, Y, Z e A.

15 de novembro de 2026, para as persoas admitidas cuxo primeiro apelido comece por algunha das seguintes letras: B, C, D, E, F, G, H, I, J, K e L.

Celga 3 en Santiago de Compostela, Ponferrada e Madrid

21 de novembro de 2026, para todas as persoas admitidas.

Celga 2 en Santiago de Compostela, Ponferrada e Madrid

22 de novembro de 2026, para todas as persoas admitidas.

Lugares de realización das probas

Santiago de Compostela

Celga 2, Celga 3 e Celga 4

IES Antonio Fraguas, rúa Londres, núm. 10

Ponferrada

EOI de Ponferrada, rúa Río Burbia, s/n

Madrid

Casa de Galicia en Madrid, rúa Casado del Alisal, 8

Horario de realización das probas

As persoas candidatas deben presentarse no lugar e día de realización das probas entre as 8.30 e as 8.45 horas, provistas de DNI, NIE ou pasaporte e bolígrafo azul ou negro.

Proba escrita

Comezará ás 9.00 horas. Uns días antes da realización da proba, publicaranse nesta páxina web www.lingua.gal a porta de acceso e a aula que lle corresponderá a cada persoa.

Proba oral

A proba oral será a continuación da proba escrita. Os chamamentos faranse en quendas de 15-20 minutos, por orde alfabética, comezando pola letra M, agás o día 15 de novembro que comezarán pola letra B. A proba poderá prolongarse até a tarde.

Listaxes definitivas de persoas admitidas e excluídas

Celga 2: listaxes definitivas de persoas admitidas e excluídas nas probas de novembro de 2026

Resolución do 28 de outubro de 2026 pola que se publican as listaxes definitivas do Celga 2

• Listaxe definitiva de persoas admitidas en Santiago de Compostela
• Listaxe definitiva de persoas excluídas en Santiago de Compostela
• Listaxe definitiva de persoas admitidas en Ponferrada
• Listaxe definitiva de persoas admitidas en Madrid

Celga 3: listaxes definitivas de persoas admitidas e excluídas nas probas de novembro de 2026

Resolución do 28 de outubro de 2026 pola que se publican as listaxes definitivas do Celga 3

• Listaxe definitiva de persoas admitidas en Santiago de Compostela
• Listaxe definitiva de persoas excluídas en Santiago de Compostela
• Listaxe definitiva de persoas admitidas en Ponferrada
• Listaxe definitiva de persoas admitidas en Madrid

Celga 4: listaxes definitivas de persoas admitidas e excluídas nas probas de maio de 2026

Resolución do 28 de outubro de 2026 pola que se publican as listaxes definitivas do Celga 4

• Listaxe definitiva de persoas admitidas en Santiago de Compostela
• Listaxe definitiva de persoas excluídas en Santiago de Compostela
• Listaxe definitiva de persoas admitidas en Ponferrada
• Listaxe definitiva de persoas admitidas en Madrid
• Listaxe definitiva de persoas excluídas en Madrid

Listaxes provisionais de persoas admitidas e excluídas

Celga 2: listaxes provisionais de persoas admitidas e excluídas nas probas de novembro de 2026

As probas realizaranse o día 22 de novembro de 2026

Remate do prazo de presentación de emendas: 27 de outubro de 2026

Resolución do 13 de outubro de 2026 pola que se publican as listaxes provisionais do Celga 2

• Listaxe provisional de persoas admitidas en Santiago de Compostela
• Listaxe provisional de persoas excluídas en Santiago de Compostela
• Listaxe provisional de persoas admitidas en Ponferrada
• Listaxe provisional de persoas admitidas en Madrid

Celga 3: listaxes provisionais de persoas admitidas e excluídas nas probas de novembro de 2026

As probas realizaranse o día 21 de novembro de 2026

Remate do prazo de presentación de emendas: 27 de outubro de 2026

Resolución do 13 de outubro de 2026 pola que se publican as listaxes provisionais do Celga 3

• Listaxe provisional de persoas admitidas en Santiago de Compostela
• Listaxe provisional de persoas excluídas en Santiago de Compostela
• Listaxe provisional de persoas admitidas en Ponferrada
• Listaxe provisional de persoas admitidas en Madrid

Celga 4: listaxes provisionais de persoas admitidas e excluídas nas probas de novembro de 2026

As probas realizaranse os días 14 e 15 de novembro de 2026

Remate do prazo de presentación de emendas: 27 de outubro de 2026

Resolución do 13 de outubro de 2026 pola que se publican as listaxes provisionais do Celga 4

• Listaxe provisional de persoas admitidas en Santiago de Compostela
• Listaxe provisional de persoas excluídas en Santiago de Compostela
• Listaxe provisional de persoas admitidas en Ponferrada
• Listaxe provisional de persoas admitidas en Madrid
• Listaxe provisional de persoas excluídas en Madrid

AMPLIACIÓN DO PRAZO PARA O PAGAMENTO DA TAXA DAS PROBAS CELGA 2, 3 E 4 (SEGUNDA CONVOCATORIA 2026)

Con motivo dunha incidencia técnica producida no sistema de pagamento da taxa correspondente ás probas para a obtención dos certificados de lingua galega Celga 2, 3 e 4, código de procedemento PL500C, e para de facilitar a inscrición das persoas interesadas, amplíase ata o día 9 de outubro de 2026 incluído, o prazo para o pagamento da taxa correspondente aos dereitos de exame.

Esta ampliación realízase ao abeiro do establecido no artigo 32.4 da Lei 39/2015, do 1 de outubro, do procedemento administrativo común das administracións públicas.

As persoas que rexistraron unha incidencia por problemas técnicos no pagamento ou na presentación da solicitude o día de finalización do prazo inicialmente establecido e que, como consecuencia desta incidencia, non puideron completar a inscrición, deberán efectuar o pagamento da taxa dentro do novo prazo, ata o 9 de outubro de 2026 incluído, e, a seguir, enviar a solicitude debidamente cuberta e asinada, xunto co xustificante de pagamento da taxa, ao enderezo electrónico sxpl.probascelga@xunta.gal.

No correo deberán indicar, para facilitar a identificación da incidencia e a tramitación da solicitude, o nome e apelidos da persoa interesada e o nivel ou niveis Celga solicitados, así como achegar, de ser o caso, a xustificación da incidencia rexistrada no último día do prazo.

A ampliación aféctalles exclusivamente ás incidencias derivadas dos problemas técnicos sinalados e non modifica o resto das condicións establecidas na Resolución do 8 de setembro de 2026, da Secretaría Xeral da Lingua, pola que se realiza a segunda convocatoria das probas para a obtención dos certificados de lingua galega, niveis Celga 2, 3 e 4, no ano 2026.

Convocatoria

As probas realizaranse en Santiago de Compostela, en Ponferrada e en Madrid e terán lugar os días 14, 15, 21 e 22 de novembro, sempre que ningunha circunstancia excepcional o impida.

As sedes e horarios para a realización das probas publicaranse no Portal da Lingua xunto coas listaxes definitivas das persoas admitidas.

As persoas que desexen inscribirse nas probas Celga deberán cubrir o formulario de solicitude, segundo o modelo PL500C, e aboar a taxa correspondente (código 304401). No formulario de solicitude deberán indicar a proba ou as probas ás que solicitan presentarse, así como a localidade, e dirixilo á Secretaría Xeral da Lingua.

O prazo de presentación das solicitudes, así como o de pagamento da taxa correspondente aos dereitos de exame, será de quince días hábiles, que se contarán a partir do día seguinte ao da publicación desta resolución no Diario Oficial de Galicia: do 17 de setembro ao 7 de outubro.