Resolución provisional da convocatoria

Publicado o 20.04.2026

Proposta provisional de resolución das subvencións aos proxectos de fomento do uso do galego dos centros de titularidade privada de Galicia que imparten ensinanzas regradas de niveis non universitarios para o curso escolar 2025/26 (PL500B)

Provincia da Coruña

Proposta provisional de resolución e listaxe de centros coa puntuación obtida

Provincia de Lugo

Proposta provisional de resolución e listaxe de centros coa puntuación obtida

Provincia de Ourense

Proposta provisional de resolución e listaxe de centros coa puntuación obtida

Provincia de Pontevedra

Proposta provisional de resolución e listaxe de centros coa puntuación obtida

NOTA: O prazo para presentar alegacións remata o día 5 de maio (incluído).

Convocatoria

1. Obxecto.

O establecemento de subvencións para a realización de proxectos de fomento do uso do galego dos centros de ensino privados de Galicia, promovidos polos equipos de dinamización da lingua galega ou polo profesorado responsable do proxecto naqueles centros de ensino que conten con menos de seis unidades, durante o curso escolar 2025/26 (PL500B). As subvencións reguladas nesta orde concederanse en réxime de concorrencia competitiva e baixo os principios de publicidade, obxectividade, transparencia, igualdade, non discriminación, eficacia e eficiencia.

Estas axudas serán compatibles con outras subvencións ou axudas para a mesma finalidade, procedentes de calquera outra Administración ou de entes públicos ou privados. En todo caso, a suma das contías recibidas non pode superar o 100 % do custo total das actividades do proxecto.

2. Persoas beneficiarias.

Os centros de titularidade privada de Galicia que imparten ensino regrado de nivel non universitario, sexan persoas físicas ou xurídicas, que cumpran os requisitos e as condicións que se establecen nesta orde.

As persoas beneficiarias deberán cumprir os requisitos e as obrigas sinaladas nos artigos 10 e 11 da Lei 9/2007, do 13 de xuño, de subvencións de Galicia.

Prazo de presentación de solicitudes

Do 14.01.2026 ao 13.02.2026