Convócanse, con carácter gratuíto, cursos de linguaxe administrativa galega de nivel medio e superior en liña, e cursos preparatorios para a consecución dos certificados de lingua galega (Celga), para o curso 2024/25, nas escolas oficiais de idiomas de Galicia.

No caso dos cursos de linguaxe administrativa galega, os do primeiro cuadrimestre impartiranse entre setembro e decembro; os do segundo cuadrimestre, entre febreiro e abril.

Os cursos preparatorios para os certificados de lingua galega, Celga, impartiranse, os do primeiro cuadrimestre entre setembro e decembro, e os do segundo cuadrimestre, entre febreiro e maio.

O prazo para a presentación das solicitudes será o seguinte:

• Desde o día 1 ata o 12 de xullo de 2024, para os cursos do primeiro cuadrimestre.
• Desde o 11 ata o 22 de novembro de 2024, para os cursos do segundo cuadrimestre