O Certame de Cinema Internacional Ouff Escola é unha iniciativa da Concellería de Cultura de Ourense, en colaboración coa Secretaría Xeral da Lingua, que ten como obxectivo impulsar o uso do galego entre a mocidade, coñecer a visión desta sobre a súa contorna sociocultural e fomentar a creatividade audiovisual e o traballo en equipo. Así mesmo, pretende potenciar o uso das tecnoloxías da información e da comunicación nos centros de ensino e crear un espazo de referencia para a mostra do audiovisual feito nas aulas.

O Certame vai destinado a todos os centros educativos de ensino non universitario de Galicia, así como a aqueles de fóra da nosa Comunidade que teñan materias en lingua galega.

Nesta XV edición, o xurado acordou conceder os seguintes premios:

Categoría A. Infantil e primaria

Primeiro premio: A liberdade, do CEIP Otero Novas, Cortegada (Ourense)

Segundo premio: Os pauciños conquistan, do CEIP Padre Crespo, Xunqueira de Ambía (Ourense)

Terceiro premio: As aventuras da Saleta, do CEIP López Ferreiro, Santiago de Compostela (A Coruña)

Premio Blanco Amor ao mellor guión: Soños para levar, do CEIP Mestre Ramiro Sabell Mosquera, Ponteareas (Pontevedra)

Mención especial: CPR Luis Vives (Ourense)

Categoría B. Outros niveis de ensino non universitario

Primeiro premio: Imos alá, do IES Carlos Casares, Vigo (Pontevedra)

Segundo premio: O Suso, do IES Beade, Vigo (Pontevedra)

Terceiro premio: A maxia da poesía, do IES Maximino Romero de Lema (A Coruña)

Premio Blanco Amor ao mellor guión: Un guión de cinema, do IES Agra do Orzán (A Coruña)